ଟାଙ୍କିରେ ଖସିପଡିଲେ ଛାତ୍ରଛାତ୍ରୀ, ଉଦ୍ଧାର କାର୍ଯ୍ୟ ଜାରି

ଭାଙ୍ଗିଯାବା ଘୋଡଣୀ ପାଇଁ ପାଣି ଟାଙ୍କିରେ ଖସିପଡ଼ିଲେ 10 ଜଣ ଛାତ୍ରଛାତ୍ରୀ. ଏଭଳି ଘଟଣା ଦେଖିବାକୁ ମିଳିଛି ରାଜସ୍ଥାନର ଭରତପୁର କରୋଲୀ ଜିଲ୍ଲାର ଏକ ବିଦ୍ୟାଳୟରେ. ସକାଳେ ଛାତ୍ରଛାତ୍ରୀମାନେ ସେଠାରେ ଖେଳୁଥିବା ସମୟରେ ଟାଙ୍କି ଭିତରେ ଖସିପଡିଥିଲେ. ପ୍ରତ୍ୟେକ୍ଷଦର୍ଶୀମାନେ ଉଦ୍ଧାରକାରୀ ଦଳକୁ ଖବର ଦେଇଥିଲେ. ଉଦ୍ଧାରକାରୀ ଦଳ ଜେସିବି ମେସିନ୍ ସାହାଯ୍ୟରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ. ଆଠ ଜଣ ପିଲାଙ୍କୁ ବାହାରକୁ ବାହାର କରାଯାଇଥିବା ବେଳେ ଅନ୍ୟମାନଙ୍କୁ ଉଦ୍ଧାର କରିବା ପାଇଁ ଟାଙ୍କି ସଫା କରାଯାଇଥିଲା. ଉଦ୍ଧାର କରାଯାଇଥିବା ପିଲାମାନଙ୍କୁ ସଙ୍ଗେ ସଙ୍ଗେ ନିକଟସ୍ଥ ହସ୍ପିଟାଲକୁ ନିଆଯାଇଥିଲା. ସେମାନେ ଏବେ ସୁସ୍ଥ ଥିବା ଜଣାପଡିଛି.
ଘଟଣାସ୍ଥଳରେ ବିଧାୟକ, ଏସଡିଓ ଓ ଶିକ୍ଷା ଅଧିକାରୀ ପହଁଞ୍ଚି ଘଟଣାର ଅନୁଧ୍ୟାନ କରିଛନ୍ତି. ଶିକ୍ଷା ଅଧିକାରୀ ଘଟଣାର ଯାଞ୍ଚ କରିବା ପାଇଁ ନିର୍ଦ୍ଦେଶ ଦେଇଥିବା ବେଳେ ବର୍ଷା ପାଣି ଜମି ଟାଙ୍କିର ଘୋଡ଼ଣୀଟି ଭାଙ୍ଗିଯାଇଥିବା ପ୍ରାଥମିକ ତଦନ୍ତରୁ ଜଣାପଡିଛି.