କେନ୍ଦ୍ରାପଡା ସଦର ଥାନା ଅନ୍ତର୍ଗତ ଖର୍ଦ୍ଧାସାହିରେ ଠାବ ହୋଇଛି ନକଲି ଚା’ ପତି ପ୍ରସ୍ତୁତ କରୁଥିବା କାରଖାନା. ନାମୀଦାମୀ କମ୍ପାନୀ ନାଁ ରେ ଉକ୍ତ କାରଖାନାରେ ପ୍ରସ୍ତୁତ ହେଉଥିଲା ଚା’ ପତି. ଚା’ ପତି ସହ ସେଠାରୁ ବହୁଳ ପରିମାଣର କଞ୍ଚାମାଲ, ଚା’ ପତି ତିଆରି ମେସିନ ମଧ୍ୟ ଜବତ ହୋଇଛି. ଏ ନେଇ ବିଶେଷ ସୂତ୍ରରୁ ପୋଲିସକୁ ଖବର ମିଳିଥିଲା. ପରେ ଗତକାଲି ବିଳମ୍ବିତ ରାତିରେ ପୋଲିସ ଉକ୍ତ କାରଖାନା ଉପରେ ଅଚାନକ ଚଢଉ କରିଥିଲା. କାରଖାନା ମାଲିକ ପୋଲିସ ହାତରୁ ଖସିଯାଇଥିବା ବେଳେ ପୋଲିସ ଏହାର ଛାନଭିନ ଆରମ୍ଭ କରିଛି.
