ପାକିସ୍ତାନ ସରକାରଙ୍କ ତଥ୍ୟ ଅନୁଯାୟୀ ଜୁନ୍ ୨୦୨୫ ସୁଦ୍ଧା ପାକିସ୍ତାନର ମୋଟ ସାର୍ବଜନୀନ ଋଣ ୨୮୬.୮୩୨ ବିଲିୟନ ଆମେରିକୀୟ ଡଲାରକୁ ବୃଦ୍ଧି ପାଇଛି, ଯାହା ଗତ ବର୍ଷ ତୁଳନାରେ ପ୍ରାୟ ୧୩ ପ୍ରତିଶତ ବୃଦ୍ଧି ପାଇଛି। ପାକିସ୍ତାନ ଅର୍ଥ ମନ୍ତ୍ରଣାଳୟର ପ୍ରକାଶିତ ୨୦୨୫ ଆର୍ଥିକ ବର୍ଷର ବାର୍ଷିକ ଋଣ ସମୀକ୍ଷା ଅନୁଯାୟୀ, ଜୁନ୍ ଶେଷ ପର୍ଯ୍ୟନ୍ତ ପାକିସ୍ତାନର ମୋଟ ସାର୍ବଜନୀନ ଋଣ ୮୦.୬ ଟ୍ରିଲିୟନ ଟଙ୍କାରେ ପହଞ୍ଚିଛି। ଏଥିରେ ୫୪.୫ ଟ୍ରିଲିୟନ ଘରୋଇ ଋଣ ଓ ୨୬ ଟ୍ରିଲିୟନ ବିଦେଶୀ ଋଣ ଅନ୍ତର୍ଭୁକ୍ତ ଅଛି। ରିପୋର୍ଟ ଅନୁଯାୟୀ ଜୁନ୍ ୨୦୨୫ରେ ଋଣ-ଜିଡିପି ଅନୁପାତ ପ୍ରାୟ ୭୦ ପ୍ରତିଶତକୁ ବୃଦ୍ଧି ପାଇଛି, ଯାହା ଜୁନ୍ ୨୦୨୪ରେ ୬୮ ପ୍ରତିଶତ ଥିଲା। ଅର୍ଥ ମନ୍ତ୍ରଣାଳୟ କହିଛି, “ଏହି ବୃଦ୍ଧି ମୁଖ୍ୟତଃ ୨୦୨୫ରେ ଆଶାଠାରୁ କମ୍ ନାମମାତ୍ର ଜିଡିପି ଅଭିବୃଦ୍ଧି ଯୋଗୁଁ ହୋଇଥିଲା। ମୁଦ୍ରାସ୍ଫୀତି ହ୍ରାସ ପାଇଁ ଅର୍ଥନୈତିକ ବୃଦ୍ଧିର ଗତି ମନ୍ଥର ରହିଲା, ଯାହାର ଫଳରେ ଆର୍ଥକ ଏକତ୍ରୀକରଣ ହୋଇଥିଲେ ମଧ୍ୟ ଋଣ-ଜିଡିପି ଅନୁପାତ ବଢ଼ିଗଲା।
