କାଲି ରାତିରେ ରାଜଧାନୀରେ ଜାରି ରହିଥିଲା ବର୍ଷା । ରାସ୍ତା ଉପରେ ପ୍ରଚୁର ବର୍ଷା ଜଳରେ ବୁଡି ଯାଇଥିଲା ଡ୍ରେନ୍ । ଆଜି ସକାଳେ ଡ୍ରେନରେ ୩ଜଣ ଯୁବକ ଭାସିଯାଇଥିବା ଜଣାପଡ଼ିଛି । ରାସ୍ତା ଉପରେ ପ୍ରବଳ ପାଣି ଥିବାରୁ ଭାରସାମ୍ୟ ହରାଇ ୩ଜଣ ଯୁବକ ଭାସିଯାଇଥିବା ଏକ ସିସିଟିଭି ଫୁଟେଜ ମଧ୍ୟ ମିଳିଛି । ଫଳରେ ରାସ୍ତାଘାଟ ଜଳାର୍ଣ୍ଣବ ହୋଇପଡ଼ିଥିଲା । ଫଳରେ ଏକ ବାଇକରେ ଆସୁଥିବା ୩ଜଣ ଯୁବକ ଆଚାର୍ଯ୍ୟ ବିହାର ଓ ଜୟଦେବ ବିହାର ମଝିରେ ଥିବା ଡ୍ରେନରେ ବାଇକ୍ ସହ ଭାସିଯାଇଥିବା ଜଣାପଡ଼ିଛି । ସେମାନେ ଉତ୍କଳ ଉଲ୍ଲାସ ପାଖ ରାସ୍ତା ଅଣ୍ଡରପାସ୍ ରେ ଭାସିଯାଇଥିବା ସୂଚନା ମିଳିଛି । ରାସ୍ତା ଉପରେ ପ୍ରବଳ ପାଣି ଚାଲୁଥିବାରୁ ଏହି ୩ଜଣ ଯୁବକ ଭାସିଯାଇଥିବା ସନ୍ଦେହ କରାଯାଇଥିବା ବେଳେ ସିସିଟିଭି ଭିଜୁଆଲରେ ପାଣିରେ ଯୁବକ ରାତି ୧୨ଟା ୫୫ରେ ଭାସିଯାଇଥିବା ଦୃଶ୍ୟ କଏଦ ହୋଇ ରହିଛି । କିନ୍ତୁ ବର୍ତ୍ତମାନ ସୁଦ୍ଧା ଭାସିଯାଇଥିବା ୩ଜଣ ଯୁବକଙ୍କ ପରିଚୟ ମିଳିପାରି ନାହିଁ ।
