କ୍ରିକେଟ୍ର ଦିନିକିଆ ଫର୍ମାଟ୍ରେ ଆଜି ଭାରତ ଖେଳୁଛି ତା’ର ୧୦୦୦ତମ ମ୍ୟାଚ୍ । ମ୍ୟାଚ୍ ପୂର୍ବରୁ ଭାରତରତ୍ନ ଲତାମଙ୍ଗେଶରଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ ଟିମ୍ ଇଣ୍ଡିଆର ସଦସ୍ୟ। ଏହା ସହିତ ଲତା ଦିଦିଙ୍କୁ ସମ୍ମାନ ଦେବାକୁ ଯାଇ ସେମାନେ ଆଜି ବାହୁରେ କଳାଫିତା ବାନ୍ଧି ଖେଳୁଛନ୍ତି। ସୂଚନାଯୋଗ୍ୟ, ଆଜି ସକାଳେ ସ୍ୱର ସାମ୍ରାଜ୍ଞୀ ଲତା ମଙ୍ଗେଶକରଙ୍କ ପରଲୋକ ହୋଇଯାଇଛି। କ୍ରୀକେଟକୁ ବହୁତ ଭଲ ପାଉଥିଲେ ଲତା । ଆଜି ଇଣ୍ଡିଆ ଏବଂ ୱେଷ୍ଟଇଣ୍ଡିଜ୍ର ମ୍ୟାଚ ଥିବାବେଳେ ଏହି ମ୍ୟାଚରେ ଟିମ୍ ଇଣ୍ଡିଆ ଲତାଙ୍କୁ ଶ୍ରଦ୍ଧାଞ୍ଚଳି ଜଣାଇବେ। ମ୍ୟାଚ ସମୟରେ ଅର୍ଦ୍ଧନମିତ ରହିବ ଜାତୀୟ ପତାକା । ବିସିସିଆଇ ଉପ ସଭାପତି ରାଜୀବ ଶୁକ୍ଳା ଏହି ସୂଚନା ଦେଇଛନ୍ତି । ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ୱେଷ୍ଟଇଣ୍ଡିଜ ବିରୋଧରେ ପଡିଆକୁ ଉହ୍ଲାଇବ ଭାରତୀୟ ଟିମ । ଶେଷ ଖବର ମୁତାବକ ଭାରତୀୟ ଟିମ ଟଚ୍ ଜିତି ପ୍ରଥମେ ଫିଲ୍ଡିଂ କରିବ ବୋଲି ନିଷ୍ପତି ନେଇଛନ୍ତି ଅଧିନାୟକ ରୋହିତ ଶର୍ମା ।
