ବଲିଉଡ ଅଭିନେତ୍ରୀ ଶିଳ୍ପା ସେଠୀଙ୍କୁ ସାଧାରଣଭାବେ ଫିଟନେସ୍ ଏବଂ ନିଜର କିଛି ଅଜବଗଜବ ଭିଡିଓ ପାଇଁ ଜଣାଯାଏ. ବର୍ତ୍ତମାନ ଶିଳ୍ପା ନିଜର ଜଣେ ବନ୍ଧୁଙ୍କ ସହ ମୁମ୍ବାଇରେ ଗୋଟିଏ ଅଟୋରେ ବୁଲୁଥିବା ନଜର ଆସିଛନ୍ତି. ତେବେ ଖାସ୍ କଥା ହେଲା ଯେ, ଦୀର୍ଘ 15 ବର୍ଷ ପରେ ଶିଳ୍ପା ଅଟୋରେ ବୁଲିଛନ୍ତି. ସେ ଅଟୋରେ ବସିବା ମାତ୍ରେ ସେଠାରେ ଥିବା ବ୍ୟକ୍ତିମାନେ ତାଙ୍କ ସହ ସେଲଫି ନେବା ପାଇଁ ଭିଡ ଜମାଇଥିଲେ ଏବଂ ଅନ୍ୟପଟେ ଅଟୋବାଲା ନିଜେ ମଧ୍ୟ ଶିଳ୍ପାଙ୍କ ସହ ସେଲଫି ନେଇଥିଲେ. ପରେ ଶିଳ୍ପା କହିଥିଲେ, ଚାଲୋ ଭୈୟା. ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି.
