ଖୋର୍ଦ୍ଧାରେ ଫୁଟିଲା ବୋମା

ଖୋର୍ଦ୍ଧାରେ ଫୁଟିଲା ବୋମା. ଗତକାଲି ବିଳମ୍ବିତ ରାତିରେ ଖୋର୍ଦ୍ଧା ଜିଲ୍ଲାର ଆଦର୍ଶ ଥାନା ଅନ୍ତର୍ଗତ ଶ୍ରୀରାମ ନଗରରେ ଘଟିଛି ଏହି ଘଟଣା. ସୂଚନା ଅନୁସାରେ ଶ୍ରୀରାମ ନଗରର ମଧୁସୂଦନ ପାତାଳସିଂହଙ୍କ ଘର ସାମ୍ନାକୁ ଦୁଇ ଜଣ ଦୁର୍ବୃତ୍ତ ବୋମାମାଡ କରିଥିଲେ. ବୋମାମାଡ କରିବା ଫଳରେ ତାଙ୍କ କାରର ପଛପଟ କାଚ ଭାଙ୍ଗି ସଂପୂର୍ଣ୍ଣରୂପେ ନଷ୍ଟ ହୋଇଯାଇଛି. ତେବେ ଏହି କାଣ୍ଡ ଘଟାଇବା ପରେ ଘଟଣାସ୍ଥଳରୁ ଉଭାନ ହୋଇଯାଇଥିଲେ ଦୁର୍ବୃତ୍ତ. ଏହି ଘଟଣା ପଛରେ କାରଣ ଅସ୍ପଷ୍ଟ ଥିବା ବେଳେ ଖୋର୍ଦ୍ଧା ପୋଲିସ ପହଞ୍ଚି ଏହାର ତଦନ୍ତ ଆରମ୍ଭ କରିଛି. ସିସିଟିଭି କ୍ୟାମେରାରେ ଏହାର ସଂପୂର୍ଣ୍ଣ ଦୃଶ୍ୟ କଏଦ ହୋଇଥିବା ବେଳେ ଏହାକୁ ଆଧାର କରି ଅଭିଯୁକ୍ତଙ୍କୁ ଧରିବା ପାଇଁ ଚେଷ୍ଟା ଜାରି ରଖିଛି ପୋଲିସ.