ବାଲେଶ୍ୱର ଜିଲ୍ଲା ଶିଳ୍ପାଞ୍ଚଳ ଥାନା ଅନ୍ତର୍ଗତ ଅଚ୍ୟୁତପୁର ଗାଁରେ ବିସ୍ଫୋରଣ | ଗତକାଲି ବିଳମ୍ୱିତ ରାତିରେ ଘଟିଛି ବିସ୍ଫୋରଣ | ଅଚ୍ୟୁତପୁର ଗାଁର କାଳିଚରଣ ମହାପାତ୍ରଙ୍କ ଏକ ତିନି ତାଲା କୋଠାର ଉପର ମହଲାରେ ବିସ୍ଫୋରଣ ହୋଇଛି | ବିସ୍ଫୋରଣ ଏତେ ଭୟଙ୍କର ଥିଲା ଯେ ମହଲାର କାନ୍ଥ ଭାଙ୍ଗି ଛିନ୍ଛତ୍ର ହୋଇଯାଇଛି | କାଳିଚରଣଙ୍କ ଘରର ଉପର ମହଲାରେ ଜଣେ ମାର୍ବଲ ମିସ୍ତ୍ରୀ ଶ୍ରୀଧର ମହାନ୍ତି ଭଡ଼ାରେ ରହୁଥିଲେ | ଅନ୍ୟପକ୍ଷରେ ମଝି ମହଲାରେ ବିହାରର ସୁମିତ ନାମକ ବ୍ୟକ୍ତି ଭଡ଼ାରେ ରହୁଥିଲେ | ତେବେ ବିସ୍ଫୋରଣ ପରଠୁ ଶ୍ରୀଧରଙ୍କ ପତ୍ତା ମିଳୁନାହିଁ | ଏନେଇ ପୋଲିସ ଖବର ପାଇବା ପରେ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି | ବିସ୍ଫୋରଣକୁ ନେଇ ସ୍ଥାନୀୟ ଅଂଚଳରେ ଭୟର ବାତାବରଣ ଖେଳି ଯାଇଛି | ବିସ୍ଫୋରଣର କାରଣ ଅସ୍ପଷ୍ଟ ରହିଛି | ପୋଲିସ ସାଇଣ୍ଟିଫିକ ଟିମ ସହ ପହଁଚି ଛାନଭିନ ଆରମ୍ଭ କରିଛି |
