ନୂଆଦିଲ୍ଲୀ ;ଉତ୍ତରପ୍ରଦେଶର ସେସ୍ପାଲ ଟାକ୍ସଫୋର୍ସ ଆଜି ମୁମ୍ବାଇ ଏୟାରପୋର୍ଟରୁ ଗୋରଖପୁରର ଚର୍ଚ୍ଚିତ ଡାକ୍ତର କଫିଲ ଖାଁକୁ ଗିରଫ କରିଛି । ଡିସେମ୍ବର ୧୨ ତାରିଖ ଦିନ ଆଲିଗଡ ମୁସଲିମ ବିଶ୍ୱବିଦ୍ୟାଳୟରେ ସିଏଏ ବିରୋଧରେ ଉତ୍ତେଜନା ମୂଳକ ଭାଷଣ ଦେଇଥିଲେ । ଡିସେମ୍ବର ୧୩ତାରିଖରେ ଆଲିଗଡ ପୁଲିସଷ୍ଟେସନରେ ଧାର୍ମିକ ଭାବନାକୁ ଆଘାତ ଦେଇଥିବାରୁ ତାଙ୍କ ନାମରେ ଆଇପିଏସ ଧାରା୧୫୩/ଇ ରେ ମାମଲା ରୁଜୁ କରାଯାଇଥିଲା । ସେ ସିଏଏ ବିରୋଧି ରାଲିରେ କାହା ନାଁ ନ ନେଇ ପରୋକ୍ଷରେ କେନ୍ଦ୍ରସରକାରଙ୍କୁ ଟାର୍ଗେଟ କରିଥିଲେ । ସେ କହିଥିଲେ ମଣିଷ ହେବାକୁ ନୁହେଁ ହିନ୍ଦୁ କି ମୁସଲମାନ ହେବାକୁ ମୋଟାଭାଇ ସମସ୍ତଙ୍କୁ ଶିକ୍ଷା ଦେଉଛନ୍ତି । ସେ ଆହୁରି ମଧ୍ୟ କହିଥିଲେ ଆରଏସ୍ଏସ୍ ସତ୍ତାରେ ଥିବା ସମୟରୁ ତାଙ୍କର ସମ୍ବିଧାନ ଉପରେ ବିଶ୍ୱାସ ନାହିଁ । ସେ ଏହା ମଧ୍ୟ କହିଥିଲେ ସିଏଏ ଦ୍ୱାରା ଲୋକମାନଙ୍କୁ ଦ୍ୱିତୀୟ ଶ୍ରେଣୀର ନାଗରିକ କରାଯାଉଛି ।
