ଗିରଫ ହେଲେ ଆୟୁଷ ନିର୍ଦ୍ଦେଶକ ବିଭୂପ୍ରସାଦ ଷଡଙ୍ଗୀ I ଜଣେ ମହିଳା କର୍ମଚାରୀଙ୍କୁ ମୋବାଇଲରେ ଅଶ୍ଲୀଳ ମେସେଜ ଓ ଭିଡିଓ ପଠାଇବା ଅଭିଯୋଗରେ ଗିରଫ କରିଛି ମହିଳା ଥାନା ପୋଲିସ I ଆୟୁଷ ନିର୍ଦ୍ଦେଶକ ବିଭୂପ୍ରସାଦଙ୍କ ବିରୋଧରେ ମହିଳା କର୍ମଚାରୀ ଜଣକ ଅଭିଯୋଗ କରିବା ପରେ ଆଜି ମହିଳା ଥାନାରେ ହାଜର ହୋଇଥିଲେ ସେ I ଦୀର୍ଘ ସମୟ ଥାନାରେ ଜେରା କରିବା ପରେ ମହିଳା ଥାନା ପୋଲିସ ତାଙ୍କୁ ଆଇପିସି 354 ଓ ଆଇଟି ଧାରା 67 ଅନୁଯାୟୀ ଗିରଫ କରିଛି I ମହିଳା କର୍ମଚାରୀ ଜଣକ ପୂର୍ବରୁ ଏ ସଂପର୍କରେ ଗଣମାଧ୍ୟମ ସମ୍ମୁଖରେ ଆୟୁଷ ନିର୍ଦ୍ଦେଶକଙ୍କ ବିରୋଧରେ ଅଭିଯୋଗ କରିଥିଲେ I ବାଥରୁମରୁ ଭିଡିଓ କଲ୍ କରିବାକୁ ସେ ମହିଳା କର୍ମଚାରୀଙ୍କୁ କହୁଥିଲେ I ବାରମ୍ବାର ମହିଳା କର୍ମଚାରୀ ଜଣକ ଆପତ୍ତି କରିଥିଲେ ମଧ୍ୟ ନିର୍ଦ୍ଦେଶକ ଏଥରୁ ନିବୃତ୍ତ ହୋଇ ନଥିଲେ I ବରଂ ଆୟୁଷ ନିର୍ଦ୍ଦେଶକଙ୍କ ଅଶ୍ଳୀଳ ଆଚରଣରେ ଅତିଷ୍ଠ ହୋଇ ସେ ଥାନାରେ ଅଭିଯୋଗ କରିଥିଲେ I
