କାଲି ବାଲେଶ୍ୱର ଉପନିର୍ବାଚନ ଭୋଟ ଗଣତି ହେବ । ଏଥିଲାଗି ପ୍ରଶାସନ ପକ୍ଷରୁ ଗଣତି କେନ୍ଦ୍ର ଚାରିପଟେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସକାଳ ୮ଟାରୁ ଗଣତି ଆରମ୍ଭ ହେବ । ୩୪୬ଟି ବୁଥ୍ ପାଇଁ ୧୪ଟି ଟେବୁଲ କରାଯାଇଛି । ଏହାସହ ୨୫ଟି ରାଉଣ୍ଡରେ ଗଣତି ହେବ ବୋଲି କୁହାଯାଇଛି । ଏଥିପାଇଁ ସକାଳ ୭ଟାରୁ ଏଜେଣ୍ଟ ଓ କର୍ମଚାରୀଙ୍କୁ ଗଣତି କେନ୍ଦ୍ର ମଧ୍ୟକୁ ଛଡାଯିବ । ତେବେ ବାଲେଶ୍ୱରରେ ବଜେପି ପ୍ରାର୍ଥୀ ମାନସ ଦତ୍ତଏବଂ କଂଗ୍ରେସ ପ୍ରାର୍ଥୀ ମମତା କୁଣ୍ଡୁ , ବିଜେଡି ପ୍ରାର୍ଥୀ ସ୍ୱରୂପ ନନ୍ଦଙ୍କ ମଧ୍ୟରେ ଜୋରଦାର କଡା ଟକ୍କର ହୋଇଥିଲା । କାଲି କିଏ ମାରିବ ବାଜି ତା ଉପରେ ସମସ୍ତଙ୍କ ନଜର । ସେପଟେ ସବୁଠୁ ଚର୍ଚ୍ଚାରେ ଥିବା ସ୍ୱାଧୀନପାର୍ଟୀରୁ ପ୍ରାର୍ଥୀ ହୋଇଥିବା ବେଣୁଧର ବାରିକଙ୍କ ଉପରେ ମଧ୍ୟ ନଜର ରହିଛି ।
