ପୁଣି ଥରେ ପୁରୀ ଏମଆର ମଠରୁ ମିଳିଛି ୪୫ଟି ରୁପା ଇଟା । ମଠର ୪ ନମ୍ବର କଠୋରୀରୁ ଏହି ସବୁ ରୁପା ଇଟା ମିଳିଛି । ମାଟିତଳେ ଏହି ସବୁ ଇଟା ରଖାଯାଇଥିବା ଜଣାପଡିବା ପରେ ଏହାକୁ ଆଜି ବାହାର କରାଯାଇ ତାଲିକା ପ୍ରସ୍ତୁତ କରାଯାଇଛି । ୨୦୧୦ରେ ୪୫ ଖଣ୍ଡ ରୁପା ଇଟା ମଠ ମହନ୍ତଙ୍କ ଦାୟିତ୍ୱରେ ଦିଆଯାଇଥିଲା । ତେବେ ଇଏ ସେଇ ଇଟା ନା ଅନ୍ୟ କିଛି ଇଟା ତାହା ସ୍ପଷ୍ଟ ହୋଇନାହିଁ । ତେବେ ଟ୍ରେଜେରୀ ଭିତରକୁ ଇଟା ନିଆଯାଉଥିବାବେଳେ ଏହାର ଫଟୋ ଉତ୍ତୋଳନ କରିଥିଲେ ସାମ୍ବାଦିକ । କିନ୍ତୁ ଦାୟିତ୍ୱରେ ଥିବା ପୋଲିସ ବାବୁମାନେ ସାମ୍ବାଦିକଙ୍କୁ ମାଡ ମାରିଥିଲେ । ଏବଂ ଗାଳିଗୁଲଜ କରିଥିଲେ । ତେବେ ଏଠି ସାଧାରଣରେ ପ୍ରଶ୍ନ ଉଠୁଛି କି କାହିଁକି ରୁପା ଇଟାକୁ ଲୁଚାଉଛି ପୋଲିସ । ଇଟାକୁ ସର୍ବ ସମ୍ମୁଖକୁ କାହିଁକି ଆଣିବାକୁ ଚାହୁଁନି ପୋଲିସ
