ରାଜ୍ୟରେ ଆଜି କରୋନାରେ ୫ ଆକ୍ରାନ୍ତଙ୍କର ମୃତ୍ୟୁ ହୋଇଥିବାବେଳେ ଗୋଟିଏ ଦିନରେ ୪୮୫୧ ପଜିଟିଭ୍ ଚିହ୍ନଟ ହୋଇଛନ୍ତି । କ୍ୱାରେଣ୍ଟିନରୁ ୨୮୧୪ ଥିବାବେଳେ ଲୋକାଲ କେସ୍ ରହିଛି ୨୦୩୭ । ମୃତକଙ୍କ ମଧ୍ୟରେ ନୂଆପଡାରୁ ସର୍ବାଧିକ ୨ ଜଣ ଥିବାବେଳେ କଟକ, ମୟୂରଭଞ୍ଜ ଏବଂ ସୁନ୍ଦରଗଡରୁ ଜଣେ ଲେଖାଏଁ କରୋନାରେ ଆଖି ବୁଜିଛନ୍ତି । ଏଥିସହିତ ରାଜ୍ୟରେ କରୋନାଜନିତ ମୃତ୍ୟୁସଂଖ୍ୟା ୧୯୫୮କୁ ବୃଦ୍ଧି ପାଇଛି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୭୦୩ ସଙ୍କ୍ରମିତ ଚିହ୍ନଟ ହୋଇଛନ୍ତି । ସେହିପରି ସୁନ୍ଦରଗଡରୁ ୫୧୬, ନୂଆପଡାରୁ ୪୮୬, ବରଗଡରୁ ୩୧୮, କଟକରୁ ୩୦୪, ଝାରସୁଗୁଡାରୁ ୨୯୦, ବଲାଙ୍ଗୀରରୁ ୨୨୭, ପୁରୀରୁ ୨୨୩, ନବରଙ୍ଗପୁରରୁ ୧୯୪, ସମ୍ବଲପୁରରୁ ୧୭୧ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
