ଏବେ ସଙ୍କଟରେ ପୁରା ଦେଶ । ଗୋଟିଏ ବିପଦ ନଯାଉଣୁ ମାଡି ଆସୁଛି ଅନେକ ବିପଦ । ଏଇ ଯେମିତି କରୋନାରେ ଏବେ ଲୋକମାନେ କଲବଲ ହେଉଛନ୍ତି । କରୋନା ନଯାଉଣୁ ବ୍ଲାକ ଫଙ୍ଗସ ଲୋକଙ୍କୁ ଆତଙ୍କିତ କରିଛି । ଓଡିଶାରେ ୪ରୁ ୫ ଜଣ ମଧ୍ୟ ଏହି ବ୍ଲାକ ଫଙ୍ଗସରେ ଆକ୍ରାନ୍ତ ବି ହେଲେଣି । ଆଉ ଏବେ ହ୍ୱାଇଟ ଫଙ୍ଗସ । ବ୍ଲାକ ଫଙ୍ଗସକୁ ନେଇ ଲୋକମାନେ ଆତଙ୍କିତ ଥିବାବେଳେ ଏବେ ହ୍ୱାଇଟ୍ ଫଙ୍ଗସ ଆତଙ୍କ ଖେଳାଉଛି । ବିଶେଷଗ୍ୟଙ୍କ ମତ ଅନୁଯାୟୀ, ଏହି ହ୍ୱାଇଟ୍ ଫଙ୍ଗସ ବ୍ଲାକ୍ ଫଙ୍ଗସ୍ ଅପେକ୍ଷା ଅଧିକ ବିପଜ୍ଜନକ। କାରଣ ଏହା କେବଳ ଗୋଟିଏ ଅଙ୍ଗକୁ ନୁହେଁ, ଫୁସ୍ଫୁସ୍ ଏବଂ ମସ୍ତିଷ୍କରୁ ଆରମ୍ଭ କରି ପ୍ରତ୍ୟେକ ଅଙ୍ଗକୁ ପ୍ରଭାବିତ କରିଥାଏ। ଏହା ନଖ, ଚର୍ମ, ପେଟ, କିଡନୀ, ମସ୍ତିଷ୍କ, ଗୁପ୍ତାଙ୍ଗ ମୁହଁରୁ ଆରମ୍ଭ କରି ଫୁସ୍ଫୁସ୍କୁ ସଂକ୍ରମିତ କରିପାରେ। ଅବଶ୍ୟ, ଏହି ଫଙ୍ଗସ୍ ଦ୍ୱାରା ପ୍ରଭାବିତ ରୋଗୀମାନେ କୋଭିଡ ସହିତ ସଂକ୍ରମଣର କୌଣସି କାରଣ ନାହିଁ। ମୁଣ୍ଡରେ ପ୍ରବଳ ଯନ୍ତ୍ରଣା ସହିତ ବାନ୍ତି ହୋଇପାରେ । ଚର୍ମରେ ଛୋଟ ଛୋଟ ହୋଇ ଫଳିଯାଏ, ଯାହା ସାଧାରଣତଃ ଏତେ କଷ୍ଟଦାୟକ ହୋଇ ନ ଥାଏ। ଏହା ହେଉଛି ସଂକ୍ରମଣର ପ୍ରାରମ୍ଭିକ ଲକ୍ଷଣ। ବିଭିନ୍ନ ରାଜ୍ୟରେ ବ୍ଲାକ୍ ଫଙ୍ଗସ୍ର ଅନେକ ଆକ୍ରାନ୍ତ ହେବା ପରେ କେନ୍ଦ୍ର ସରକାର ପ୍ରଭାବିତ ରାଜ୍ୟମାନଙ୍କୁ ଏହାକୁ ମହାମାରୀ ଘୋଷଣା କରିବାକୁ କହିଥିଲେ।
