କାଲି କାବୁଲ ବିମାନ ବନ୍ଦରରେ ଭିଡ ପୁରା ବିଶ୍ୱକୁ ବ୍ୟଥିତ କରିକରିଥିବାବେଳେ ଆଜି ସାମ୍ନାକୁ ଆସିଛି ଆଉ ଏକ ଚିତ୍ର । ଯେଉଁଠି ଦେଖିବାକୁ ମିଳିଛି ଲୋକଙ୍କୁ ଉଦ୍ଧାର ପାଇଁ ଆସିଥିବା ଆମେରିକା ବାୟୁସେନା ବିମାନରେ ଏକାଥରେ ବସିଛନ୍ତି 640 ଜଣ । ଜୀବନ ଆକୁଳରେ ଠେଲା ପେଲା ହୋଇ ବିମାନରେ ପସିଛନ୍ତି । ଆମେରିକାର ବାୟୁସେନା C-17 ଗ୍ଲୋବାମାଷ୍ଟର ତୃତୀୟ ଦ୍ୱାରା ମହିଳା ଏବଂ ଶିଶୁଙ୍କ ସମେତ 600 ରୁ ଅଧିକ ଲୋକ (ନିର୍ଦ୍ଦିଷ୍ଟ ଭାବରେ 640) କାବୁଲରୁ କାତାରକୁ ସୁରକ୍ଷିତ ଭାବରେ ସ୍ଥାନାନ୍ତର ହୋଇଛନ୍ତି । ଏ ଚିତ୍ର ବୟାନ କରୁଛି ଆଫଗାନିସ୍ତାନରେ ଲୋକେ କେତେ ଭୟଭିତ ଅଛନ୍ତି । ତାଲିବାନୀଙ୍କ ନିର୍ଯ୍ୟାତନା ଓ ବର୍ବରତା ସହିବା ପୂର୍ବରୁ ଦେଶ ଛାଡ଼ି ପଳାଇବାକୁ ଉଚିତ ମନେ କରୁଛନ୍ତି ଲୋକ ।
