ରୁଷିଆ ଆକ୍ରମଣରେ ୭ ମୃତ , ୯ ଆହତ । ମୃତାହତ ନେଇ ୟୁକ୍ରେନ ସରକାରଙ୍କ ପକ୍ଷରୁ ଏହି ସୂଚନା ଦିଆଯାଇଛି । ୟୁକ୍ରେନର ଏକାଧିକ ସହର ଉପରେ ମିଜାଇଲ ଆକ୍ରମଣ କରିଛି ଋଷିଆ । ଉଭୟ ସ୍ଥଳପଥରୁ ଋଷିଆ ସେନା ୟୁକ୍ରେନ ସହର ମଧ୍ୟକୁ ପ୍ରବେଶ କରୁଥିବା ବେଳେ ଆକାଶ ମାର୍ଗରୁ ବୋମା ଆକ୍ରମଣ କରାଯାଉଛି । ୟୁକ୍ରେନର ଦୁଇଟି ସହର ସୀମାନ୍ତ ଲୁହାଂସ୍କରକୁ ଋଷିଆ ଦଖଲକୁ ନେଇସାରିଲାଣି । ଅନ୍ୟପକ୍ଷରେ ଋଷିଆର ମୁକାବିଲା ପାଇଁ ଅସ୍ତ୍ର ଧରିବାକୁ ଦେଶବାସୀଙ୍କୁ ଆହ୍ବାନ ଦେଇଛି ୟୁକ୍ରେନ ।
ଅପରପକ୍ଷରେ ୟୁକ୍ରେନରେ ବହୁ ଭାରତୀୟ ଫସି ରହିଥିବା ଜଣାପଡିଛି । ଋଷିଆର ଆକ୍ରମଣ ପରେ ବିମାନ ବାତିଲ ହୋଇଥିବାରୁ ଅନେକ ଭାରତୀୟ ଫେରିବା ସମ୍ଭବ ହୋଇପାରିନି । ତେଣୁ ଭାରତୀୟମାନେ ଯେଉଁଠି ଅଛନ୍ତି, ସେଠି ସୁରକ୍ଷିତ ଓ ଶାନ୍ତ ଭାବେ ରହିବାକୁ ପରାମର୍ଶ ଦେଇଛନ୍ତି ଭାରତ ସରକାର । ହଷ୍ଟେଲ, ଘର, ଅସ୍ଥାୟୀ ଶିବିର ଯିଏ ଯେଉଁଠି ଅଛ ସୁରକ୍ଷିତ ରୁହ ଏବଂ ଅପେକ୍ଷାକୃତ ସୁରକ୍ଷିତ ଜାଗାକୁ ଚାଲିଯିବାକୁ ଭାରତୀୟ ଦୂତାବାସ ପରାମର୍ଶ ଦେଇଛି ।
