ତେଲେଙ୍ଗାନାର ସିକନ୍ଦରାବାଦ ଲଜ ଅଗ୍ନିକାଣ୍ଡରେ ଦୁଇ ଓଡିଆଙ୍କ ମୃତ୍ୟୁ । ଦୁଇ ଓଡିଆ ହେଲେ କଟକ କାଫଲାବଜାର ମହାନ୍ତିପଡାର ଚନ୍ଦନ ଜେଠି ପତ୍ନୀ ମିତାଲି ମହାପାତ୍ର ଜେଠି । ଚନ୍ଦନ ଓ ମିତାଲି ଏକ ଟ୍ରେନିଂରେ ଯୋଗଦେବାକୁ ସିକନ୍ଦରାବାଦ ଯାଇଥିଲେ । ଦୁହେଁ ରେଲୱେ ଷ୍ଟେସନ ନିକଟ ଗୁରୁଦ୍ୱାର ସାମ୍ନାରେ ଥିବା ଲୁବି ଲଜରେ ରହିଥିଲେ । ଖବର ପାଇବା ପରେ ପରିବାର ଲୋକେ ଆଜି ସିକନ୍ଦରାବାଦ ଗସ୍ତ କରିଛନ୍ତି । ଗତରାତିରେ ଲଜ୍ ତଳେ ଥିବା ଇଲେକ୍ଟ୍ରୋନିକ ବାଇକ ସୋ ରୁମରେ ନିଆଁ ଲାଗିଯାଇଥିଲା । ସୋ ରୁମ୍ ଭିତରେ ଗ୍ୟାସ ସିଲିଣ୍ଡର , ବ୍ୟାଟେରୀ ଥିବାରୁ ନିଆଁ ଜୋରରେ ବ୍ୟାପି ଯାଇଥିଲା । ଫଳରେ ସୋ ରୁମ ଉପରେ ଥିବା ଲଜଟି ଧୂଆଁରେ ଭର୍ତ୍ତି ହୋଇଯିବା ସହ ଜଳିଯାଇଥିଲା । ଫଳରେ ଲଜରେ ଥିବା ଲୋକମାନଙ୍କ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିଲା । ଗତବର୍ଷ ଉଭୟ ବିବାହ କରିଥିବା ସୂଚନା ।
