ବାଲେଶ୍ବର ଉପଜିଲ୍ଲାପାଳ କୁନାଲ ମୋତିଲାଲ ଚାଭନ ଓ ତାଙ୍କ ଡ୍ରାଇଭର ଉପରେ ଚୋରା ବାଲି ଚାଲାଣ ମାଫିଆ କରିଥିବା ଆକ୍ରମଣ ଘଟଣାରେ ସହଦେବଖୁଣ୍ଟା ଥାନା ପୋଲିସ ଆଜି ଆଉ ନ ଜଣଙ୍କୁ ଗିରଫ କରିଛି । ଗତକାଲି ଆକ୍ରମଣ ଘଟଣାରେ ଦୁଇ ଜଣଙ୍କୁ ଗିରଫ କରିଥିଲା । ଗିରଫ ବ୍ୟକ୍ତିଙ୍କ ମଧ୍ୟରେ ତିନିଜଣ ମହିଳା ଓ ଆଠଜଣ ପୁରୁଷ ଅଛନ୍ତି ।
ମନ୍ଦରପୁର ଓ ଦହପଡା ଅଞ୍ଚଳରେ ବାଲିମାଫିଆମାନେ ଚୋରା ବାଲି ଚାଲାଣ କରୁଥିବା ବେଳେ ପୋଲିସ ଓ ଏକ୍ସସାଇଜ ଟିମ୍ 500 ଟ୍ରିପ ବାଲି ଜବତ କରିଥିଲେ । ଗତକାଲି ଉପଜିଲ୍ଲାପାଳ ଘଟଣାସ୍ଥଳକୁ ଯାଇଥିବା ବେଳେ ଆକ୍ରମଣର ଶୀକାର ହୋଇଥିଲେ । ବାଲି ମାଫିଆମାନେ ଉପଜିଲ୍ଲାପାଳଙ୍କ ଗାଡି ଉପରକୁ ପଥର ମାଡ କରିଥିଲେ । ମାଫିଆଙ୍କ ଆକ୍ରମଣରେ ଉପଜିଲ୍ଲାପାଳ ଓ ତାଙ୍କ ଡ୍ରାଇଭର ଆହତ ହୋଇଥିଲେ । ତେବେ ସମସ୍ତ ଆକ୍ରମଣକାରୀଙ୍କୁ ଗିରଫ କରାଯିବ ବୋଲି ଏସପି ସାଗରିକା ନାଥ କହିଛନ୍ତି ।
