2024 ପାଇଁ ବିଜେପିର ପ୍ରସ୍ତୁତି । ଆଜି ଚାରିଟି ରାଜ୍ୟରେ ନୂଆ ସଭାପତି ନିଯୁକ୍ତ କରିଛି ବିଜେପି । ତେଲେଙ୍ଗାନାର ନୂଆ ସଭାପତି ଦାୟିତ୍ବ ମିଳିଛି କେନ୍ଦ୍ରମନ୍ତ୍ରୀ ଜି. କିଷନ ରେଡ୍ଡୀଙ୍କୁ । ସେହିପରି ଡି. ପୁରନ୍ଦେଶ୍ବରୀଙ୍କୁ ଆନ୍ଧ୍ରପ୍ରଦେଶ ବିଜେପି ସଭାପତି ଦାୟିତ୍ବ ମିଳିଛି । ପଞ୍ଜାବରେ ଦଳର ନେତୃତ୍ବ ନେବେ ପୂର୍ବତନ ସାଂସଦ ସୁନୀଲ କୁମାର ଜାଖର । ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ଏବେ ବିରୋଧୀ ଦଳ ନେତା ଥିବା ବାବୁଲାଲ ମାରାଣ୍ଡିଙ୍କୁ ଝାଡଖଣ୍ଡ ଦାୟିତ୍ବ ମିଳିଛି ।
ଆସନ୍ତା 7 ତାରିଖରେ ଦଳର ସବୁ ରାଜ୍ୟ ସଭାପତି ଓ ସାଧାରଣ ସଂପାଦକମାନଙ୍କ ବୈଠକ ଡାକିଛନ୍ତି ଦଳର ରାଷ୍ଟ୍ରୀୟ ସଭାପତି ଜେ.ପି. ନଡ୍ଡା । ନିର୍ବାଚନ ରଣନୀତି ପ୍ରସ୍ତୁତ କରିବା ପାଇଁ ଦଳ ପକ୍ଷରୁ ଆରମ୍ଭ ହୋଇଯାଇଛି କସରତ୍ ।
