ଆମେରିକା–ଚୀନ ବ୍ୟାପାରିକ ତିକ୍ତତା ନୂତନ କିଛି ନୁହେଁ। ଆମେରିକାର ଅଭିଯୋଗ, ଚୀନ ସରକାର ନିଜର ରାଜ୍ୟନିୟନ୍ତ୍ରିତ କମ୍ପାନୀଗୁଡ଼ିକୁ ବିପୁଳ ସବସିଡି ପ୍ରଦାନ କରୁଥିବାରୁ ଅନ୍ୟ ଦେଶର କମ୍ପାନୀମାନେ ସେମାନଙ୍କ ସହ ପ୍ରତିଯୋଗିତା କରିପାରୁନାହାନ୍ତି। ଏଥିସହିତ ଚୀନ୍ ପ୍ରଯୁକ୍ତିବିଦ୍ୟା କ୍ଷେତ୍ରରେ ବିଦେଶୀ କମ୍ପାନୀଗୁଡ଼ିକୁ ଅଧିକ ସୁଯୋଗ ଦେବା ଉଚିତ ଏବଂ ପେଟେଣ୍ଟ ଇତ୍ୟାଦିରେ ମଧ୍ୟ ପରିବର୍ତ୍ତନ କରିବା ଉଚିତ, ଯାହା ପାଇଁ ଚୀନ୍ ପ୍ରସ୍ତୁତ ନୁହେଁ । ଏନେଇ ଗତ ମେ ମାସରେ ଆମେରିକା ଚୀନ ଉପରେ ୧୪୫% ଶୁଳ୍କ ଲାଗୁ କରିଥିଲା । ଏହା ପରେ, ପ୍ରତିଶୋଧ ସ୍ୱରୂପ ୧୨୫% ଶୁଳ୍କ ଲାଗୁ କରିଥିଲା ଚୀନ । କିନ୍ତୁ ଏହି ନିକଟ ସଂଶୋଧିତ ଶୁଳ୍କ ଘୋଷଣାରେ ଚୀନ ପ୍ରତି ଟିକେ ନରମିଛନ୍ତି ଟ୍ରମ୍ପ । ଆଉ ବର୍ତ୍ତମାନ ଆମେରିକା ଚୀନ ଉପରେ ୩୦% ଶୁଳ୍କ ଲାଗୁ କରିଛି । ଆଉ ଚୀନ ଆମେରିକା ଉପରେ ୧୦% ଶୁଳ୍କ ଲାଗୁ କରିଛି। ଏହା ସତ୍ତ୍ବେ ବି ଏବେ ଆମେରିକା ପ୍ରତି ଚୀନ ସ୍ବର କଠୋର ରହିଛି । ଭାରତରେ ଚୀନ୍ ର ରାଷ୍ଟ୍ରଦୂତ ଜୁ ଫେଇହୋଙ୍ଗ୍ ଶୁଳ୍କ ପ୍ରସଙ୍ଗରେ ଭାରତ ଏବଂ ବ୍ରାଜିଲକୁ ସମର୍ଥନ କରିଥିବା ବେଳେ ଆମେରିକାକୁ ନିନ୍ଦା କରିଛନ୍ତି । ଗୋଟିଏ ଦମ୍ପତିକୁ ଏକ ଇଞ୍ଚ ଦିଅ ଏବଂ ସେ ଏକ ମାଇଲ୍ ନେଇଯିବ ବୋଲି କହି ଆମେରିକାକୁ କଟାକ୍ଷ କରିଛନ୍ତି ।
ଟ୍ରମ୍ପଙ୍କ ଟାରିଫ୍ ମାଡ ପରେ ଭାରତ ବ୍ରାଜିଲ, ରୁଷ ଏବଂ ଚୀନ୍ ସହିତ କୂଟନୀତିକୁ ମଜବୁତ କରି ଟ୍ରମ୍ପଙ୍କ ଏକପାଖିଆ ନୀତିକୁ ଚ୍ୟାଲେଞ୍ଜ କରିଛି। ଏହା ବିଶ୍ୱ ସ୍ତରରେ ଭାରତର ବଢ଼ୁଥିବା ଶକ୍ତି ଏବଂ ଏହାର ସ୍ୱାଧୀନ ବୈଦେଶିକ ନୀତିର ସ୍ପଷ୍ଟ ସୂଚନା। ଏଥିସହିତ ବ୍ରିକ୍ସ ସମର୍ଥକ ବ୍ୟବହାରକାରୀମାନେ ପରାମର୍ଶ ଦେଇଛନ୍ତି ଯେ ଏବେ ଏସୀୟ ଅର୍ଥନୀତିଗୁଡ଼ିକ ଆମେରିକାର ଟାରିଫ୍ ନୀତିକୁ ମୁକାବିଲା କରିବା ପାଇଁ ଏକାଠି ହେବା ଉଚିତ। ଅନେକ ଆଫ୍ରିକୀୟ ସଂଘକୁ ବ୍ରିକ୍ସର ସଦସ୍ୟ କରିବାକୁ ମଧ୍ୟ ଦାବି କରିଯାଇଛି । ଯାହା ଏବେ ଟ୍ରମ୍ପଙ୍କୁ ଭାରି ପଡିପାରେ ।
