ରାଜ୍ୟରେ ଆରମ୍ଭ ହୋଇଥିବା ଡିଜିଟାଲ୍ ଜନଗଣନା । ଆଜି ଡିଜିଟାଲ୍ ଜନଗଣନାରେ ଯୋଗ ଦେଇଛନ୍ତି ବିରୋଧୀ ଦଳ ନେତା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେ ନିଜ ବାସଭବନରେ ସ୍ୱ-ଗଣନା ପ୍ରକ୍ରିୟାକୁ ସଫଳତାର ସହ ସମାପ୍ତ କରିଛନ୍ତି । ଏପ୍ରିଲ ୧ରୁ ଆରମ୍ଭ ହୋଇଥିବା ଏହି ଡିଜିଟାଲ୍ ଜନଗଣନା ମାଧ୍ୟମରେ ନାଗରିକମାନେ ଘରେ ବସି ଅନଲାଇନ୍ରେ ନିଜ ପରିବାର ସମ୍ପର୍କିତ ସମସ୍ତ ତଥ୍ୟ ଭରି ପାରିବେ। ମୋବାଇଲ୍ କିମ୍ବା ଲାପଟପ୍ରେ ଲଗ୍ଇନ୍ କରି ପରିଚୟ ଯାଞ୍ଚ ପରେ ପରିବାର ସଦସ୍ୟ, ବାସସ୍ଥାନ ଓ ସାମାଜିକ-ଆର୍ଥିକ ସୂଚନା ଦେବା ସୁବିଧା ରହିଛି। ଏହା ଆଧାର ସହ ଅନ୍ୟାନ୍ୟ ସରକାରୀ ଡାଟାବେସ୍ ସହିତ ସମନ୍ୱିତ ହୋଇଥିବାରୁ ତଥ୍ୟ ଯାଞ୍ଚ ପ୍ରକ୍ରିୟା ମଧ୍ୟ ଅଧିକ ସହଜ ହୋଇଛି।ନବୀନ ପଟ୍ଟନାୟକ ଏହି ଅବସରରେ କହିଛନ୍ତି ଯେ,” ଜନଗଣନା କେବଳ ଗଣନା ନୁହେଁ, ବରଂ ରାଜ୍ୟର ଭବିଷ୍ୟତ ଯୋଜନା ପାଇଁ ଏକ ମଜବୁତ ଭିତ୍ତି। “ସେ ଆଶା ବ୍ୟକ୍ତ କରିଛନ୍ତି ଯେ ତାଙ୍କର ଏହି ପଦକ୍ଷେପ ଅଧିକ ନାଗରିକଙ୍କୁ ଡିଜିଟାଲ୍ ପଦ୍ଧତି ଗ୍ରହଣ କରିବାକୁ ପ୍ରେରିତ କରିବ। ଏହା ସମୟ ଓ ଖର୍ଚ୍ଚ ହ୍ରାସ କରିବା ସହିତ ତଥ୍ୟ ସଂଗ୍ରହକୁ ଆହୁରି ଦ୍ରୁତ ଓ ସଠିକ୍ କରିବ ବୋଲି ଆଶା କରାଯାଉଛି।
