ପ୍ରଦେଶ ମହିଳା କଂଗ୍ରେସର ସ୍ବାଭିମାନ ସଂକଳ୍ପ ସମାବେଶ

ରାଜ୍ୟରେ ମହିଳାଙ୍କ ଉପରେ ବଢୁଥିବା ଅତ୍ୟାଚାର ପ୍ରତିବାଦରେ ପ୍ରଦେଶ ମହିଳା କଂଗ୍ରେସ ଆୟୋଜନ କରିଥିଲା ସ୍ବାଭିମାନ ସଂକଳ୍ପ ସମାବେଶ. ମହିଳାଙ୍କ ଉପରେ ପାରିବାରିକ ହିଂସା ଠାରୁ ଆରମ୍ଭ କରି ନାବାଳିକା ବଳାତ୍କାର, ଯୌନ ଶୋଷଣ ଓ ଅପରାଧ ବଢି ଚାଲିଛି. ମହିଳାଙ୍କ ବିରୋଧରେ ହିଂସା ରୋକିବାରେ ଉଭୟ ରାଜ୍ୟ ଓ କେନ୍ଦ୍ର ସରକାର ବିଫଳ ହୋଇଛନ୍ତି ବୋଲି ମହିଳା କଂଗ୍ରେସ କହିଛି. ସ୍ବାଭିମାନ ସଂକଳ୍ପ ସମାବେଶରେ ଏଆଇସିସି ସଂପାଦକ ସନ୍ଧ୍ୟା ସାଓାଲାଖେ ଓ ପିସିସି ସଭାପତି ନିରଞ୍ଜନ ପଟ୍ଟନାୟକ ପ୍ରମୁଖ ଯୋଗ ଦେଇ ମହିଳାଙ୍କ ଉପରେ ହେଉଥିବା ହିଂସାକୁ ବରଦାସ୍ତ କରାଯିବ ନାହିଁ ବୋଲି କହିଥିଲେ. ଏହି ସମାବେଶରେ ରାଜ୍ୟର ବିଭିନ୍ନ ଜିଲ୍ଲାରୁ ବହୁ ନାରୀନେତ୍ରୀ ଯୋଗ ଦେଇଥିଲେ.