ନୂଆଦିଲ୍ଲୀ:ହର୍ମୁଜ୍ ପ୍ରଣାଳୀରେ ଘଟିଛି ବଡ଼ ଅଘଟଣ। ସମୁଦ୍ରରେ ବିଛାଯାଇଥିବା ବିସ୍ଫୋରକ ସହ ଧକ୍କା ହେବା ପରେ ୩ଟି ତେଲ ବୋଝେଇ ଜାହାଜରେ ନିଆଁ ଲାଗିଯାଇଛି lଇରାନର ନୌସେନା ସୂଚନା ଅନୁସାରେ, ଶନିବାର ସକାଳେ ହର୍ମୁଜ୍ ପ୍ରଣାଳୀର ପୂର୍ବ ଭାଗରେ ଗୋଟିଏ ତେଲ ଟ୍ୟାଙ୍କର ସମୁଦ୍ରରେ ବିଛାଯାଇଥିବା ମାଇନ୍ ସହ ଧକ୍କା ହୋଇଥିଲା। ଏହାପରେ ପରବର୍ତ୍ତୀ ସମୟରେ ଆଉ ଦୁଇଟି ଜାହାଜ ମଧ୍ୟ ମାଇନ୍ ସହ ଧକ୍କା ହୋଇଥିଲେ। ଫଳରେ ତିନୋଟି ଯାକ ଜାହାଜରେ ନିଆଁ ଲାଗିଯାଇଥିଲା।ଏନେଇ ଇରାନର ସରକାରୀ ସମ୍ବାଦ ସଂସ୍ଥା IRNA ପକ୍ଷରୁ ରିଭଲ୍ୟୁସନାରୀ ଗାର୍ଡସ ନୌସେନାର ବୟାନ ଉଦ୍ଧୃତ କରାଯାଇଛି। ବୟାନ ଅନୁସାରେ, ସନ୍ଧ୍ୟା ସମୟରେ ଦୁଇଟି ଜାହାଜ ନିଷିଦ୍ଧ ଜଳପଥ ଦେଇ ଯିବାକୁ ଚେଷ୍ଟା କରୁଥିଲେ। ଏହି ସମୟରେ ସେମାନେ ସମୁଦ୍ରରେ ବିଛାଯାଇଥିବା ମାଇନ୍ ସହ ଧକ୍କା ହୋଇଥିଲେ। ଏହା ଦ୍ବାରା ଜୋରଦାର ବିସ୍ଫୋରଣ ସହ ଜାହାଜଗୁଡ଼ିକରେ ନିଆଁ ଲାଗିଯାଇଥିଲା। ଘଟଣାର ପ୍ରକୃତ ସ୍ଥିତି ସମ୍ପର୍କରେ ଏବେ ମଧ୍ୟ ସ୍ପଷ୍ଟତା ଆସିନାହିଁ।ସେପଟେ ହର୍ମୁଜ୍ ପ୍ରଣାଳୀ ଦେଇ ଯାତାୟାତ କରୁଥିବା ଜାହାଜଗୁଡ଼ିକ ଉପରେ ଇରାନ୍ କଟକଣା ଲଗାଇଛି। ଏହି ନିୟମ ଉଲ୍ଲଂଘନ କରୁଥିବା ଜାହାଜଗୁଡ଼ିକ ଉପରେ ଇରାନ୍ ଆକ୍ରମଣ କରୁଥିବା ଅଭିଯୋଗ ହୋଇଛି l
