ହକିପ୍ରେମୀଙ୍କୁ ରହେମାନଙ୍କ ‘ହୁକ୍ ଷ୍ଟେପ୍ ଚ୍ୟାଲେଞ୍ଜ’

ହକି ଉଦଘାଟନୀ ଉତ୍ସବର ଟିକେଟ ନ ପାଇ ଆପଣ ନିରାଶ ଅଛନ୍ତି କି ? ଯଦି ଏପରି ହୋଇଥାଏ ତାହାଲେ ଆପଣଙ୍କ ପାଇଁ ଏକ ସୁବର୍ଣ୍ଣ ସୁଯୋଗ. ଏହି ସୁଯୋଗକୁ ଗ୍ରହଣ କରିବା ପରେ ଆପଣ ହକି ବିଶ୍ୱକପ୍ ଦେଖିବା ସହ ବଲିଉଡ୍ ସୁପରଷ୍ଟାର ଶାହାରୁଖ ଖାନ୍ ଓ ମ୍ୟୁଜିକ୍ ମାଷ୍ଟର ଏଆର ରହେମାନଙ୍କ ସହ ମଞ୍ଚରେ ତାଳ ସହ ତାଳ ଦେଇ ଡ୍ୟାନ୍ସ କରିବାର ସୁଯୋଗ ପାଇପାରିବେ. ଏଥିପାଇଁ ଆପଣଙ୍କୁ ରହେମାନଙ୍କ ଏକ ଚ୍ୟାଲେଞ୍ଜ ଗ୍ରହଣ କରିବାକୁ ପଡିବ. ଯାହାର ନା ରହିଛି ‘ହୁକ୍ ଷ୍ଟେପ୍ ଚ୍ୟାଲେଞ୍ଜ’. ତେବେ ରହେମାନଙ୍କ ଭିଡିଓରେ ଥିବା ଷ୍ଟେପକୁ ଯଦି ହକିପ୍ରମୀ ରେକର୍ଡ କରି ତାଙ୍କ ଫେସବୁକ୍ ପ୍ରୋଫାଇଲରେ ପୋଷ୍ଟ କରୁଛନ୍ତି ଏବଂ ତାହା ବେଷ୍ଟ ବୋଲି ବିବେଚିତ ହେଉଛି ତାହାଲେ ଆପଣ କଳିଙ୍ଗ ଷ୍ଟାଡିୟମରେ ହକି ବିଶ୍ୱକପ୍ ଉଦଘାଟନୀ ଉତ୍ସବ ଦିନ ଏହି ଦୁଇ ବଲିଉଡ ତାରକାଙ୍କ ସହ ଡ୍ୟାନ୍ସ କରିବାର ସୁଯୋଗ ପାଇପାରିବେ.