ନୂଆଦିଲ୍ଲୀ: ଏସ୍ଆଇଆର ବିବାଦକୁ ନେଇ ଦଳ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାରଙ୍କ ଇସ୍ତଫା ଦାବିରେ ଏପରି ବିକ୍ଷୋଭର ଆହ୍ୱାନ ଦେଇଛି। କିନ୍ତୁ ଏହି ବଡ଼ ବିକ୍ଷୋଭ ପୂର୍ବରୁ କେନ୍ଦ୍ର ସରକାର ଦିଲ୍ଲୀ ପୁଲିସ୍ ଜରିଆରେ ସିଜେପି ପ୍ରତିଷ୍ଠାତା ଅଭିଜିତ ଦୀପକେ, ମୁଖପାତ୍ର ସୌରଭ ଦାସ, ଆଶୁତୋଷ ରାଙ୍କା ଓ ଅନ୍ୟ ଦଳୀୟ ନେତାଙ୍କୁ ଗିରଫ କରିବା ପାଇଁ ଯୋଜନା କରୁଛନ୍ତି। ଏଭଳି କିଛି ଦାବି କରିଛନ୍ତି ନିଜେ ସୌରଭ ଦାସ। ସେ କହିଛନ୍ତି, “ସରକାର ମୋତେ, ଅଭିଜିତ, ଆଶୁତୋଷ, ରତନା ଓ ଅନ୍ୟ କକ୍ରୋଚ ଜନତା ପାର୍ଟିର ନେତାମାନଙ୍କୁ ଗିରଫ କରିବାକୁ ଯୋଜନା କରୁଛନ୍ତି। ଯଦି ସରକାର ଏପରି ଏକଛାତ୍ରବାଦ କାର୍ଯ୍ୟାନୁଷ୍ଠାନ କାମ ଦେବ ବୋଲି ଭାବୁଛନ୍ତି, ତା’ହେଲେ ଏହା ତାଙ୍କର ଭ୍ରମ। ଏବେ ଯୁବଗୋଷ୍ଠୀ ନିଦରୁ ଉଠି ସାରିଛି। ଆମେ ସମସ୍ତଙ୍କୁ ନିଜର ଅଧିକାର ଓ ଭବିଷ୍ୟତମାନେ ଲଢ଼େଇ କରିବାକୁ ଆହ୍ୱାନ ଦେଉଛୁ। ଯୁବଗୋଷ୍ଠୀ ଏହାକୁ ସହ୍ୟ କରିବେ ନାହିଁ। ବିକ୍ଷୋଭ ନିଶ୍ଚିତ ଭାବେ ଜାରି ରହିବ। ଭାରତର ଲୋକଙ୍କୁ ଅକ୍ଟୋବର ୧୦ରେ ଆରମ୍ଭ ହେବାକୁ ଥିବା ସବୁଠାରୁ ବଡ଼ ଜନ ଆନ୍ଦୋଳନକୁ ସୁନିଶ୍ଚିତ କରିବାକୁ ପଡ଼ିବ।” ସୌରଭଙ୍କ ଦାବିରେ ଏକମତ ହୋଇ ଅଭିଜିତ ଦିପେକ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, “ଅମିତ ଶାହ କେତେ ଜଣଙ୍କୁ ଗିରଫ କରିବେ? ଅକ୍ଟୋବର ୧୦ରେ ପୂରା ଦେଶ ଆସୁଛି।” ୟୁଏପିଏ, ଏନଏସ୍ଏ କିମ୍ବା ଦୀର୍ଘ କାଳୀନ ବନ୍ଦୀ ଭଳି ବ୍ୟବସ୍ଥା ସେମାନଙ୍କୁ ଆନ୍ଦୋଳନରୁ ବିଚ୍ୟୁତ କରିପାରିବ ନାହିଁ ବୋଲି ଦୀପକେ କହିଛନ୍ତି। ସିଜେପି ମାସାଧିକ କାଳ କିମ୍ବା ବର୍ଷ ତମାମ ଜେଲ ଯିବାକୁ ପ୍ରସ୍ତୁତ ରହିଛି। ହେଲେ ଦଳ କେବେ ବି ଗଣତନ୍ତ୍ର ସୁରକ୍ଷା ପାଇଁ ଲଢ଼େଇ ବନ୍ଦ କରିବ ନାହିଁ ବୋଲି ସେ ଦମ୍ଭୋକ୍ତି କରିଛନ୍ତି।
