କୋଲକାତାରେ ଭୁଶୁଡିଲା ପୋଲ : ଜଣେ ମୃତ, ୬ ଆହତ

ମଙ୍ଗଳବାର ଅପରାହ୍ନ ପ୍ରାୟ ସାଢ଼େ ୪ଟା ବେଳେ କୋଲକାତାରେ ୪୦ ବର୍ଷ ତଳର ଏକ ଫ୍ଲାଏ ଓଭର ଭୁଷୁଡି ପଡ଼ିଥିଲା । କୋଲକାତାର ମାଝେରହାଟ ଅଞ୍ଚଳରେ ଥିବା ଫ୍ଲାଏ ଓଭର ଭୁଶୁଡି ପଡିବାରୁ ଜଣଙ୍କର ମୃତ୍ୟୁ ହୋଇଥିବା ବେଳେ 6 ଜଣ ଆହତ ହୋଇଛନ୍ତି । ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତି କରାଯାଇଛି । ବର୍ତ୍ତମାନ ସୁଦ୍ଧା ଫ୍ଲାଏ ଓଭର ତଳେ ୨୦ରୁ ଅଧିକ ଲୋକ, ବସ୍, କାର ଏବଂ ଦୁଇ ଚକିଆ ଯାନ ଫସି ରହିଛି ।

ଏନଡିଆରଏଫ୍ ଟିମ୍, ପୋଲିସ, ଅଗ୍ନିଶମ କର୍ମଚାରୀ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି ।  ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଫ୍ଲାଏଓଭର ଦୁର୍ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି । କୋଲକାତାରେ ଏପରି ପୋଲ ଭୁଷୁଡିବାରେ ଏହା ହେଉଛି ତୃତୀୟ ଘଟଣା । ୨୦୧୬ରେ ମଧ୍ୟ କୋଲକାତାରେ ଏପରି ପୋଲ ଭୁଷୁଡି ପଡିଥିଲା । ନିର୍ମାଣଧୀନ ଏକ ପୋଲ ଭୁଷୁଡି ପଡିବା ଯୋଗୁଁ ୧୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା ଏବଂ ଶହେରୁ ଅଧିକ ଲୋକ ଆହତ ହୋଇଥିଲେ ।