ପର୍ଯ୍ୟଟଙ୍କଙ୍କ ପାଇଁ ଖୁସି ଖବର । ନୂଆ ପ୍ୟାକେଜ ଘୋଷଣା କରିଛି ଓଡିଶା ପର୍ଯ୍ୟଟନ ନିଗମ । ୬ଟି ପାନ୍ଥ ନିବାସରେ ୱେଡିଂ ପ୍ୟାକେଜ ଘୋଷଣା କରିଛି ଓଟିଡିସି । ପୁରୀ, କୋଣାର୍କ, ଚାନ୍ଦିପୁର, ଗୋପାଳପୁର, ରମ୍ଭା ଏବଂ ବଡକୂଳ ପାନ୍ଥନିବାସରେ ୱେଡିଂ ପ୍ୟାକେଜ ସୁବିଧା ମିଳିବ । ବିବାହ ସାଂସ୍କୃତିକ କାର୍ଯ୍ୟକ୍ରମ ଏବଂ ଭ୍ରମଣର ସୁବିଧା ଦେବ ଓଟିଡିସି । ୩ଟି ୱେବସାଇଟ୍ ଜରିଆରେ ବୁକ୍ କରିହେବ । ଏଣିକି ଗୋ-ଇବିବୋ, ମେକ୍ ମାଇ ଟ୍ରିପ୍, ଯାତ୍ରାଭଳି ଟୁରିଷ୍ଟ ଆପ୍ ମାଧ୍ୟମରେ ଉଭୟ ଇକୋ ରିଟ୍ରିଟ୍ ଓ ବାହାଘର ପାଇଁ ବୁକିଂ ହୋଇପାରିବ ପାନ୍ଥନିବାସ । ଅତି କମରେ ୫୦ ହଜାର ଟଙ୍କାରେ ବୁକିଙ୍ଗ କରାଯାଇପାରିବ । ଅନଲାଇନ ସହ ଓଟିଡିସି ଚୁକ୍ତି ସ୍ୱାକ୍ଷର କରିଛି । ସେହିପରି ପଶ୍ଚିମ ଓଡିଶା ଓ ଚିଲିକା ପର୍ଯ୍ୟଟକଙ୍କ ପାଇଁ ଓଟିଡିସି ସ୍ୱତନ୍ତ୍ର ଘୋଷଣା କରିଛି । କଳାହାଣ୍ଡି ଏବଂ ବଲାଙ୍ଗିର ପାଇଁ ଆରମ୍ଭ ହେବ ଦୁଇଟି ସ୍ୱତନ୍ତ୍ର ବସ୍ ସେବା । ସେହିପରି ଚିଲିକାରେ ହେବ ଭାସମାନ, ଭୋଜନାଳୟ ।
