ରିଲାଏନ୍ସ ଜିଓ ଲଞ୍ଚ ସମୟରୁ ଏ ପର୍ଯ୍ୟନ୍ତ ଟେଲିକମ କମ୍ପାନୀର ଚେହେରାକୁ ବଦଳାଇ ଦେଇଛି. କମ୍ପାନୀ ଟେଲିକମ ସେକ୍ଟରରେ ପ୍ରାଇସର ଯୁଦ୍ଧ ଆରମ୍ଭ କରିଥିଲା.ଯେଉଁଥିରେ ଅନ୍ୟ କମ୍ପାନୀମାନେ ନିଜ ଯୋଜନାର ମୂଲ୍ୟକୁ କମ୍ କରି ଲାଭକୁ ବଢାଇଦେଇଥିଲେ. ଏହା ମଧ୍ୟରେ କମ୍ପାନୀ ବ୍ୟବହାରକାରୀଙ୍କ ପାଇଁ ଆଉ ଏକ ଧମାକାଦାର ଅଫର ଆଣିଛି. କମ୍ପାନୀ ନିଜର ଦ୍ୱିତୀୟ ବାର୍ଷିକ ଉତ୍ସବରେ ଏକ ନୂଆ ଅଫର ଘୋଷଣା କରିବାକୁ ଯାଉଛ. ଯେଉଁଥିରେ ବ୍ୟବହାରକରୀଙ୍କୁ ଡେରି ମିଲ୍କ ଚକୋଲେଟ ସହ 1 ଜିବି ର ଫ୍ରି ଡାଟା ଉପଲବ୍ଧ ହେବ. My Jio appରେ ଦିଆଯାଇଥିବା ଏହି ଅଫରରେ ଜିଓ ବ୍ୟବହାରକାରୀମାନେ 1ଜିବି ଡାଟା ପାଇପାରିବେ. ଏଥିପାଇଁ ବ୍ୟବହାରକାରୀଙ୍କୁ ପ୍ରଥମେ ଏକ ଡେରୀ ମିଲ୍କ ଚକୋଲେଟ କିଣିବାକୁ ପଡିବ ଏବଂ ସେଥିରେ ଥିବା ରାପର ଭିତରେ ଏକ ବାର୍ କୋଡ ଦିଆଯାଇଥିବ. ତା ପରେ ଆପଣଙ୍କୁ ଆପରେ ଦିଆଯାଇଥିବା ଡେରୀ ମିଲ୍କ ଚକୋଲେଟ ରାପର ପିକ୍ଚର ଉପରେ କ୍ଲିକ କରିବାକୁ ପଡିବ ଫଳରେ ଫୋନର କ୍ୟାମେରା ଅନ୍ ହୋଇଯିବ.ତା ପରେ ରାପରରେ ଦିଆଯାଇଥିବା ବାର୍ କୋଡକୁ ସ୍କାନ କରିବାକୁ ପଡିବ. ଯେଉଁଥିରେ ଆପଣଙ୍କୁ ମାଗଣା ଡାଟା ମିଳିଯିବ. ତେବେ ଏହି ଡାଟା 5 ଟଙ୍କିଆ ଡେରି ମିଲ୍କ ଚକୋଲେଟରୁ ଆରମ୍ଭ ହେଉଥିବା ସବୁ ଚକୋଲେଟରେ ମିଳିବ. ଏହି ଅଫରର ଲାଭ ଉଠାଇବା ପାଇଁ ବ୍ୟବହାରକରୀଙ୍କ ପାଖରେ ଜିଓ ସବକ୍ରିପସନ ଏବଂ My Jio appର ଅପଡେଟ ଭର୍ସନ ଥିବା ଆବଶ୍ୟକ. ଏହି ଡାଟାକୁ କିଛି ସମୟ ମଧ୍ୟରେ ଆପଣଙ୍କ ଆକାଉଣ୍ଟକୁ ଟ୍ରାନ୍ସଫର କରିଦିଆଯିବ
