ବିଜୁ ପଟ୍ଟନାୟକଙ୍କ ଭୂମିକାରେ ଅଭିନୟ କରିବେ ଓଲିଉଡ ସୁପରଷ୍ଟାର ତଥା ବିଜେଡି ସାଂସଦ ଅନୁଭବ ମହାନ୍ତି. ପ୍ରକାଶ ଫିଲ୍ମ୍ସ ଓ ଅକ୍ଷୟ ପରିଜା ଫାଉଣ୍ଡେସନ ପକ୍ଷରୁ ଓଡିଶାର କିମ୍ବଦନ୍ତୀ ପୁରୁଷ ବିଜୁ ପଟ୍ଟନାୟକଙ୍କ ଜୀବନୀକୁ ନେଇ ଏକ ସିନେମାର ପରିକଳ୍ପନା କରାଯାଇଛି. ସିନେମାର ନାଁ ରହିଛି ‘ବିଜୁବାବୁ’.
ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ବିଚାରଧାରା ଓ ଜୀବନୀକୁ ନେଇ ତିଆରି ହେବାକୁ ଯାଉଥିବା ଏହି ସିନେମାର ପୋଷ୍ଟର ଆଜି ରିଲିଜ ହୋଇଛି. ଏହି ଅବସରରେ କଟକ ସ୍ଥିତ ବିଜୁ ପଟ୍ଟନାୟକଙ୍କ ଜନ୍ମସ୍ଥାନରେ ଆୟୋଜିତ ସମାରୋହରେ ବହୁ ସିନେପ୍ରେମୀ ଯୋଗ ଦେଇଥିଲେ. ଅନ୍ତରାଷ୍ଟ୍ରୀୟ ଖ୍ୟାତିସଂପନ୍ନ ସିନେ ନିର୍ମାତା ନୀଳମାଧବ ପଣ୍ଡା ଏହି ସିନେମାର ନିର୍ଦ୍ଦେଶନା ଦେବେ. ଆସନ୍ତା ଏପ୍ରିଲ ପ୍ରଥମ ସପ୍ତାହରେ ବିଜୁବାବୁ ସିନେମା ରିଲିଜ କରିବାକୁ ନିର୍ମାତା ଯୋଜନା ରଖିଛନ୍ତି. ସିନେମା ସଂପର୍କରେ ପ୍ରଯୋଜକ ଅକ୍ଷୟ ପରିଜା କହିଛନ୍ତି, 
ବିଜୁ ବାବୁ ପ୍ରତି ଓଡିଆଙ୍କ ପାଇଁ ଗର୍ବ.ତାଙ୍କର ଅସାଧାରଣ ବ୍ୟକ୍ତିତ୍ବକୁ ସିନେମାରେ ନିଖୁଣ ଭାବେ ଫୁଟାଇବାକୁ ଆମେ ଚେଷ୍ଟା କରିବୁ. ଅନୁଭବ ଏହି ଭୂମିକାକୁ ବେଶ ସଫଳତାର ସହ କରିପାରିବେ ବୋଲି ସେ ଆଶା ପ୍ରକାଶ କରିଛନ୍ତି.
